انا وحيّ الشعر ضربتو بسطرين وحرف
خلخلت شغلتو وكسرت النحو والصرف
لم قام يشتكي مني لكتاب المقال والأداب
ما عرف كيف كفي ع خدو حط صفعة كف …..
نس سيتو موازين القوفي وركض يلحق سراااب…
يا مدير حارتنا دولتنا كانتونات وفخامات أمتنا بمعيتهم خواجات وشو حال نسمتنا يا مدير غاز المسيل يقتل زيتونااااات

مشين صبايا ظهرهن للشمس تيقطفن كرمات رومية
هذي بعمر نيرون وهذي ما عمرها
ما عمرها
ماعمرها ولا بيوم كانت شجرة مسبية
مشين صبايا وظهرهن للشمس صبحية
منهن ماريا ومنهن غادة
ومعاهن ام صبح وخيتها بدرية…
مشين تا يقطفن زيتونة ما كانت بيوم رغم القهر ..مسبية.
وشو جاب يا مديرنا ذئاب ليفني وجنودها حديييه ؟؟؟
شو جابهن يا خيبة النسمات بالغاز وبنات ظهرهن للشمس نفس كل حرة منهن مقطوع يا حسرة انا عليييييه….

يا حسرة يا شباب لمن الزيتون بينادينا ونحن ما نرد ويرد متضامنين أجانب يا حسرة علينا …
يا حسرة ع الوطن لمن يضع كل أملو بطاولة الهات وخوذ ….بطاولة ابو مفاوض الوقح والجلف…

يا حسرة لّمن يقول واحد إني نمرودة ع وحي الشعر
مش قادرة ع حد غيرو !!
لأن الوطن كل الوطن ديووك لمن يكون الحدث أخ واخ …
يا حسرة وين البارود وين راح الفشك والطخ ع …اليهود ….وين يا حسرة وأخ.

وأخت هيك نقلة …قالوا نوعية …؟؟قلنا يا ريت؟؟
طلعت النقلة لل خلف …. طيب شو بدي أعمل…؟؟ خل ليني اضرب وحي الشعر بالكف ….وإن ما خليتني يا مديرنا …يا مدير حارتنا رايحة احطك من تحت سطر وحر …خليني ..وهلحين عندي بدا اللحن بالعزف….

========
وتحية إلى المتضامنين مع أهل فلسطين في جني محصول الزيتون …الذي بات مغمساً بالدم.

هيفاء الحب

مع الشكر الجزيل للأديبة هيفاء الحب

ـــــــــــــــــــــــــــــــــــــــــــــــــــــــــ
التصنيفات : أدب, القدس, حـبـيـبـتي, خاطرة, خواطر, شاعر صديق, شعر, عام, فلسطين, قصائد, قصص قصيرة | السمات:فلسطين, قصائد, قصص قصيرة, أدب, القدس, حـبـيـبـتي, خواطر, خاطرة, شاعر صديق, شعر, عام
  دوّن الإدراج